Hei

No har vi holdt på i eit par mnd og tenkt og forberedt å bygge nytt inngangsparti på huset vårt.
Huset er frå midten av 50 talet. Det var ikkje isolert når vi kjøpte det. Har bytta alle vegger og tak innvendig samt så godt som alt elektrisk. 1 og 2 etasje er klare så nær som gangen i begge etasjane. Det skal vi ta samtidig som tilbygget og bytte trapp innvendig også.

Tidlig i vår blei eg ferdig med badet i 2 etasje og no er eg ferdig med rommet til eldstejenta på 4,5 år. Det var populært! ;-D

Vi har 2 små barn på 2 og 4, så det skal bli flott med litt ekstra plass.
Planen er å lage til eit vaskerom, matbod og eit ekstra rom i tillegg til yttergangen.


Det er ikkje lett å få tak i folk til å bygge. Og iallefall ikkje til rett pris. La ut på anbud, og fekk kontakt med 5 bygningsfolk. 3 polske og 2 norske.
Dei to norske prisa seg ganske raskt ut av bildet med anbud på både 400 og 500'
Den eine av dei polske byggmestrane (eller eg veit ikkje heilt om eg skal kalle den eine her byggmester) blei også kutta ut etter å ha fått eit tilbud der eg berre forstod 40% av det som stod i tilbudet. Det var også tydelig at dei ikkje kunne dei norske reglane godt nok. I tillegg til ikkje å kunne vise til referanser når det gjaldt tilbygg.

No held eg på å skal bestemme meg for kven av dei to andre som skal få tilslaget.

Eine anbudet er på ca 210' men er ikkje inkludert støyping. Det andre er på 230' og er inkludert støyping også. Grunnen til at eg ikkje er heilt sikker enno er fordi eg lurer på om eg kanskje kan gjere støypearbeidet sjølv også fordi eg er sikrare på referansar etc for han med det første anbudet på 210'

Det vi ikkje er sikre på er om vi skal ha tak eller balkong/terrasse på tilbygget. Anbudet på 230' er med balkong mens det andre er med tak.