Veit ikkje om dette høyrer heime under "gulv" eller vindu eller kva, men passar kanskje best her?

Er det nokon som veit om det vil vere vanskelig å bygge ei lyssjakt i eit golv? Det finst jo mange produkt som er meint å innstallerast i tak, og som slepper lys inn til eit mørkt bad f.eks. Det er ikkje dette eg treng; eg er interessert i eit produkt som eg kan legge i golvet i ein entre, like ved eit høgt gangvindu ved ytterdøra, og som slepp dagslys ned til badet i underetasjen. Dette badet har ikkje vindu (forresten: sånne lyssjakter utvendig med høgt kjellarvindu på badet er uaktuelt, då vil eg heller ha eit bad med berre kunstig lys).

Eg ringde Velux, og dei sa at dette måtte ein bygge sjøl, med eit sterkt glas (frosta vil eg anta). Kva utfordringar gir dette? Eg reknar med vi skal bruke Leca byggeplank,  og noko seier meg at det er ikkje "bare-bare" å lage hol i desse betongkjempene.

Bør eg eventuelt vurdere eit anna golv entreen? Korleis blir slike golv bygd, og med kva materiale? (pardon me, har aldri bygd hus før )

Alt dette vil jo føre med seg ein del ekstra mikkmakk som kostar tid og penger, og det anar meg at ei slik lyssjakt vil bli ganske dyr. Eg har likevel lyst til å få det vurdert før vi eventuelt slår det frå oss.