I samband med søknad til Husbanken har eg brukt ein del timar på energimerking av planlagt hus:

http://www.energimerking.no/no/Energimerking-Bygg/Energimerking-av-bolig/

Hos Husbanken er det tydeligvis krav om dette; ein må i alle fall i søknadsskjema om grunnlån krysse av kva kategori huset fell i. Litt nervøst her ei stund, då eg havna i "C", men oppdaga heldigvis at det hadde skjedd noko kluss i registreringa som gjorde at vannbårent anlegg fall ut. Eg endte opp i B til slutt, sjå vedlegg

Det er eg forsåvidt fornøgd med (huset skal ha lavenergistandard), men eg stussa over fargen som blei orange. I følge det eg kan finne av info angir fargen "i hvor stor grad bygningen har et oppvarmingssystem som gjør det mulig å varme opp boligen med andre energikilder enn elektrisitet og olje. Lukket vedovn, installering av varmepumpe eller biobasert oppvarming er eksempler på tiltak som gir en farge fra oransje og gul, opp mot lysegrønn og mørkegrønn.

Vi skal altså ha bergvarme (og vannbårent anlegg). Nå er jo dette avhengig av straum for å fungere - er det derfor dette ikkje får ein "penare" farge? (gul/grøn). Brukar dette anlegget SÅ mykje straum altså? Og er vedovn meir miljøvennlig enn bergvarme???

(Vi skal ha vedovn også da, og eg prøvde å legge inn dette. Det får likevel ingen konsekvens i merkinga, sidan det står spesifikt at vedovn kan leggast inn, men vil ikkje påverke resultatet. Nuvel.)

Nå verkar det som at Husbanken er mest opptatt av bokstaven og ikkje fargen, og eg er godt nøgd så lenge huset blir rekna som eit lavenergihus. Eg var likevel overraska over at måten vi varmar opp huset på ikkje er særlig miljøvennlig.

Fleire som har tatt denne testen? Eg kjørte grundig gjennom det og spesifiserte alle vindu, isolasjon i tak og vegger, etc etc. Var mykje jobb!