Vi er midt i byggeprosess, og i den anledning har vi fått eit kjøkkentilbod gjennom Boligpartner hos Sigdal Kjøkken. Vi møtte opp hos kjøkkenleverandør, og brukte ein heil arbeidsdag på planlegging, diskusjon, kreative løysingar, forkasting av idear m.m. 

Så fekk vi tilsendt 5 forslag ut i frå det vi hadde komt fram til, og etter nøye overveiing blei det justert ned til 2 alternativ. 

Så starta morroa... 

Fekk tilsendt prisoverslag frå kjøkkenleverandør, med kopi til vår representant hos BP. Prisoverslaget var i området 150-160.000,- og vi rekna då lett ut at kjøkkenet ville koste oss 90-100.000,- ekstra etter at BP sitt "tilskudd" var trekt frå. 

Men så kom kontrabeskjeden. Rabatten frå Sigdal til BP skulle gå direkte til BP, og kjøkkenet skifta pris til 210.000,- frå leverandør. På denne summen skulle vi få eit "avslag" på 60.000,- som låg inne i vår pakkepris, og kjøkkenet ville koste oss 150.000,- totalt. I tillegg kom det altså monteringskostnad og frakt.

Det vil jo seie at heile rabatten som Sigdal kunne levere til BP som "storkunde", gjekk direkte til BP - og ikkje til kunden. Så kva i all verda er då poenget med å benytte BP sine tenester..?

Mulig eg er naiv som trudde at BP-systemet var bygd opp slik at storkundefordelen ville gå til huskjøpars fordel, men dægger'n altså.. 

Det aller mest irriterande med heile opplegget, er at BP tilbyr skarve 30.000,- inkl. mva. i frådrag om ein vel å benytte ein annan leverandør. Dette angivelig grunna "storkundefordelen" BP har hos kjøkkenleverandørane. At dei samtidig får ein rabatt frå Sigdal som er like stor som kjøkkenpakken innbaka i huset, får heile opplegget til å stinke i mi bok.

Så takk for tilbodet, BP. Men nei takk..