Vi har ein leilighet i borettslag, bygd tidlig 70-tal.

Vi kjøpe leiligheten av nokon, som igjen kjøpte den som del av dødsbo etter ein skipselektriker. Dei fortalte oss når vi tok over at inne i dei plassbygde garderobeskapa hadde dei funne masse ledningar under botnen av skapet. Ein elektriker hadde sjekka ledningane og klipt dei av.

Når vi tok over strippa vi leiligheten. Vi reiv ned alle plassbygde skap og fjerna alle lister. Og eg har ikkje tal på kor mange søppelsekkar med ledningar utan mål og meining som vi bar ut...

Mot ytterveggene for soveromma (3) hadde han gjort veggen tjukkare, og lagt inn meter på meter med ledningar (ikkje sikker på kva type, kan ingenting om dette).  Ingenting var det strøm i. Forrige eigar hadde klipt av ledningane i andre rom. Vi måtte berre dra hardt, så høyrde vi det romsterte i naborommet. I enkelte tilfelle drog vi ut ledningar som gjekk gjennom fleire rom. I fleire rom var der mange telefonkontaktar (??? kva skulle  han med dette?? Var han ein tidlig data-nerd? KGB? Sentral for slibrig business?). Han dekka til det heile med små gipsplater og luker; alle grundig merka med kor dei høyrde til.. "høyre luke over vindu, soverom 1" o.l. Inne bak eit avlukke fann vi ein avklipt pappbit av ein sviskekompott-embalasje, der han har tegna kart over systemet og har ein tabell med  slike ting som "hovedsentral, soverom 1, og diverse anna som for meg var heilt kryptisk. Alle luker er nydelig sparkla igjen etterpå, og tapetsert. Ingenting (borsett frå ørten telefonkontaktar) var synlig på "overflata". Jo, bortsett frå ei "hemmelig" luke på eit soverom, der ein inni der fann ein stikk-kontakt og noko som for meg såg ut som eit eller anna som tilhøyrer eit høgtaler-anlegg? (bilde under)

Blokka vi bur i er i betong, og han har knust betonggolvet langs mange veggar for å legge ned sånne kvite plastrøyr med ledningar inni. Han har også knust opp langs dører, under listene, for å trekke kablane inn til kjøkken og bad. 

Eg har ofte lurt på kva dette her er for noko. Kvifor er det telefonledningar og kontaktar, mange i kvart rom, over alt? Og høgtaleranlegget; er det eit tidlig eksempel på det å kunne spele LP-plater i eit rom og høyre det i heile leiligheten? Som forøvrig er på 78 kvadrat, alt på eit plan....

Første bildet viser starten på jobben i det aller siste rommet vi pussa opp. Her har vi fiska ut første bunten av ledningar... klipt av av forrige eigar, dei enda i ein koblingsboks under skapet.

Dette må ha kosta ein formue i hin hårde dagar. Og kva ER dette?? Kan ein elektriker forklare