721
18
2
ariens: Fjerne sandfyling i etasjeskille
1,387
Tromsø
0
I alle år har eg vore misfornøgd med ei tung sandfylling i etasjeskillet mot loftet. På det største rommet kjenner eg tydeleg resonans viss eg trampar i golvet. Skjellsanden er effektiv lydisolasjon, men eg likar ikkje tanken på ei så tung last over stua.
Etter nesten 30 år har eg nå tatt meg på tak og sett i gang med å ta opp golvet. Eg håpar eg kan bruke golvborda opp att, så eg prøver å ta dei forsiktig. Sjølvsagt tek det meir tid.
Eg hadde tenkt å avrette golvet sidan det er litt søkk i midten. Eg sjekka med golvlaser og ser at heile golvet hallar litt inn mot alle innerveggene. Ikkje så mykje at eg merkar det, så eg lar det vere. Men eg vil gjerne ha bort resonansen når eg trampar i det.
Eg nummererte alle golvborda og fekk tatt opp knapt ein fjerdedel idag.
Eg må sage over spikrane, så det tek litt tid. Løfter kanten litt med ein pinne.
Multikuttaren er uunnværleg. Eg begynte litt innpå golvet og saga over fjøra, så drog eg opp spikrane med spikertrekkar og kunne bende første bordet opp.
Ein del pirkearbeid å få opp særleg det første bordet.
På slutten av dagen bar eg ut mange bøtter med skjellsand, det ligg minst 5 cm over eit stubbloft. Så eg må vel fjerne det også. Bortsett frå at metodane er utdaterte, er det godt og grundig handverk i huset vårt frå 1951.
Etter nesten 30 år har eg nå tatt meg på tak og sett i gang med å ta opp golvet. Eg håpar eg kan bruke golvborda opp att, så eg prøver å ta dei forsiktig. Sjølvsagt tek det meir tid.
Eg hadde tenkt å avrette golvet sidan det er litt søkk i midten. Eg sjekka med golvlaser og ser at heile golvet hallar litt inn mot alle innerveggene. Ikkje så mykje at eg merkar det, så eg lar det vere. Men eg vil gjerne ha bort resonansen når eg trampar i det.
Eg nummererte alle golvborda og fekk tatt opp knapt ein fjerdedel idag.
Eg må sage over spikrane, så det tek litt tid. Løfter kanten litt med ein pinne.
Multikuttaren er uunnværleg. Eg begynte litt innpå golvet og saga over fjøra, så drog eg opp spikrane med spikertrekkar og kunne bende første bordet opp.
Ein del pirkearbeid å få opp særleg det første bordet.
På slutten av dagen bar eg ut mange bøtter med skjellsand, det ligg minst 5 cm over eit stubbloft. Så eg må vel fjerne det også. Bortsett frå at metodane er utdaterte, er det godt og grundig handverk i huset vårt frå 1951.
Men er ingen ekspert så hvor godt det gamle lydisolerte vet jeg ikke
Resonanser skal de bli mindre med mindre vekt ?
Stivere, skru på Lundab bjelker legge trinnlyd natter mm. Det gamle gulvet er da trolig container vare
Sikkert ein god ide å forsterke ein eller fleire bjelkar. Skal ha det i bakhodet.
Den gamle lydisoleringa er heilt perfekt, men med stue under og vårt eige soverom over kan vi leve med at den blir dårlegare.
Når stubbloftet er fjerna, er det 18-19 cm rom mellom golv og himling. Eg begynte å legge 10 + 7 cm Glava, men det er litt for lite, så eg vurderer å legge 20 cm på resten.
Ytterst ligg eit stykke Glava på høgkant. Fuga i alle overgangar.
Emballasje for nostalgiske produkt.
Endå meir nostalgi.
På slutten av dagen har eg isolert og 10 bord montert igjen. Eg skrudde dei og det gjekk greit å få dei ihop att. Neste økt blir meir riving. Men nå veit eg korleis det er bygt opp.
Golvåsane er 7 tommar høge, dvs ca 18 cm, og eg fann ut at eg må ha 20 cm glava for å fylle rommet skikkeleg.
Det er mykje lettare å sage over spikrane når eg legg ein kile som lettar bordet litt. Best Tools saga er ikkje noko å vise fram, men ho gjer denne jobben heilt greit, og eg har hatt henne i mange år nå. Hadde borda lege med fjæra fremst, ville det vore enklast å ta ut spikrane med spikertrekkaren som ligg attmed kubeinet.
Slik ser det ut ved enden av dagen. Eg har fått lagt 2 bredder med glava og golvborda over er på plass igjen. Eg skruar dei i golvåsane, for det kjem laminat over så skruane viser ikkje.
Nå er det klart for å fjerne meir sand og stubbloft og gjere ferdig ei ny bredde.
Pløygde golvbord, 28 mm oppå bjelkane. Under bjelkane var rupanel og under den er seinare lagt pernillepanel, det er himlingen i rommet under. I nedkant av bjelken var spikra ei lekte som stubbloftet/ stubbgolvet (alt ettersom) kvilte på. Over stubbloftet låg svart papp, sydde matter Rockwool, og ca 5 cm skjellsand. Luftrom under stubbloftet og over sanden. På bildet har eg bretta svartpappen innover der sanden og mattene låg. Så viser det korleis stubbloftsborda kviler på ei lekte i kvar bjelke.
Nå blir rommet mellom golvbord og underpanel fylt med 20 cm Glava. Golvborda legg eg på igjen og så vil det komme laminatgolv oppå der igjen.
Eg vurderte å legge 22 mm golvplater, men då blei det problem i overgangen til gammalt golv. Og golbjelkane har cc ca 50 cm, så det ville bli veldig mykje kubbing. Alt i alt vurderte eg som beste løsning å gjenbruke golvborda.
Så kjørte eg ein hengar full av gammalt laminatgolv, sydde rockwoolmatter, stubbloftsbord og rusk og rask på fyllinga.
Merka at hengaren var godt lasta.
Eg har rekna litt på vekt, og antar at eg har fjerna ca 1000 kg sand, sydde matter og stubbloft frå golvflata. Det merkast når eg nå trampar i golvet at det er mykje mindre masse i bevegelse. Nå er det som eit normalt tregolv. Eg er veldig fornøgd med det resultatet, som var hovudmotivasjon for heile prosjektet. Lydgjennomgang har eg ikkje skikkeleg inntrykk av ennå, men eg trur ikkje det er så ille.
Eg har fått ei god mengde sand som eg må plassere. Anslagsvis 0,7 m3
Slik ser det ut på slutten av dagen. Eg har skrudd ca halve golvet ferdig, resten av golborda ligg lause. Skal legge glava i siste kroken, og skru dei gamle golvborda på plass igjen. Eg måtte akutt hjelpe til med våronna i hagen, så golvet blei ikkje ferdig idag.
Rommet mellom bjelkane fortset til rommet bak veggen. Der skal eg skifte golvbelegg snart, og kanskje tek eg ut sanden der også. Behovet er ikkje like stort der for spennet er mindre så golvet dissar ikkje like mykje. Eg håpar eg har golvet på plass igjen i morgon.