Starter ny tråd på dette, då eg har lest og søkt råd i ein del andre trådar på forumet. 

Kort om utgangspunktet for prosjektet: 
-Sokkeletasje på 81kvm
-2 sider delvis (nesten heilt) under terreng og to sider mot fri. Skrå tomt
-220cm - 225cm takhøgd i dag. Ujamn høgd på golv
-Om lag 10cm uarmert betong, ingen isolasjon under
-Grus sand og større stein (sitron til vannmelon storleik) under betong
-Bærevegg i Leca i husets lengd om lag midt i, samt 3 mindre veggar i tegl, som sannsynlegvis er sidevegs støtte for grunnmur. 
-Bankett på grunnmur ligg om lag 17cm under topp av dagens betonggolv, bankett går om lag 20cm ned. 
-Det er drenert og isolert 10cm utvendig.
-Kjellaren er ikkje i bruk i dag, ana enn til lagring og vaskemaskin og tørketrommel. 

Førebels plan: 
T-enkjer å grava ut av heile kjellaren og få støypt nytt golv i ein omgang. Meir effektivt, men tar lenger tid før noko av kjellaren kan takast i bruk. 
-Fjerna 10 betong (meisla med meiselmaskin, leiga minigravar med pigg eller ruta opp med betongsag).
-Grava ut om lag 30cm massar under betong med spade og trillebår eller leiga sjølvlastande minidumper). 
-Deponera alle massane ved enden av tomt om lag 30m frå kjellardør (ingen trapp), då tomt skal planerast seinare og eg kan fylla jord over. 
-Flytta/byta avløpsrøyr
-Planlegg ikkje å understøypa veggar. 220cm + 37-30cm = 257 - 258 som utgangspunkt.  
-Byggja opp att med betong, 10cm xps og røyr for VBV. Beste oppbygging av nytt golv har eg ikkje peiling på, og tar gjerne i mot innspel på. 

Framdrift så langt: 
-Har rydda litt og montert 5 hyller i garasjen for å flytta rotet frå kjellaren inn i garasjen medan eg jobbar med kjellaren. Ikkje komen imponerande langt med andre ord. 

Eg skal få tatt nokre bileter av prosjektet. Og så skal eg oppdatera med drøssevis med spørsmål undervegs.